Home | Articles | 

jintochittilappilly.in
Posted On: 07/07/20 00:37
സൃഷ്ടിയും തിന്മയും - വി.ആഗസ്തീനോസ്

 


ദൈവം എന്തെങ്കിലും ആവശ്യം ഉണ്ടായിട്ടോ, നിർബന്ധിക്കപ്പെട്ടതിനാലോ  അല്ല സൃഷ്ടിച്ചത്, പിന്നെയോ, സൃഷ്ടിക്കാൻ അവിടുന്ന് തിരുമനസ്സായതിനാലത്രേ. കാരണം, അവിടുന്നു നന്മയായിരുന്നു;സൃഷ്ടവസ്തുക്കളും നല്ലവയാണ്.(ദൈവനഗരം 11 ;21 ). അതുകൊണ്ട് തിന്മ പ്രകൃതങ്ങളിലല്ല (12;8). തിന്മ തെറ്റായ ഉപയോഗത്തിലാണ്.

തിന്മ ഒരു സത്തയല്ല (ആത്മ .7,16,22). കഠിനാധ്വാനത്തിലൂടെയാണ് ആഗസ്തീനോസ് ഈ അറിവിലെത്തിയത്. തിന്മ ഒരു കുറവാണ്, ജീർണതയാണ്; (De nat. boni 4 ). തിന്മ നന്മയിലാണ് സ്ഥിതിചെയ്യുന്നത്; എന്നാൽ അറിവിനതീതമായ പരമനന്മയിൽ തിന്മയില്ല. പിന്നയോ, ഇല്ലായ്മയിൽ നിന്നു് സൃഷ്ടിക്കപ്പെട്ട വ്യതിയാനവിധേയമായ  നന്മയിലാണ്     (c .lul . 1 ,8, 36-37).

രണ്ടുതരം തിന്മകളുണ്ട് ; മനുഷ്യന്റെ ഇച്ഛയ്ക്കു എതിരെ മനുഷ്യൻ സഹിക്കുന്നതു; സ്വേച്ഛയാ മനുഷ്യൻ ചെയ്യുന്നത്. വേദന, മരണം, അജ്ഞാത, ദുരാശ ആദിയായ ശാരീരികതിന്മകൾ (ഭൗതിക തിന്മകൾ -physical evil) ആദ്യഗണത്തിൽപെടുന്നു. ദുഷ്ടത, അനീതി തുടങ്ങി പാപം എന്ന ധാർമീകതിന്മ (moral evil )രണ്ടാം ഗണത്തിൽപ്പെടുന്നു. രണ്ടും സൃഷ്ടിയുടെ വൈകല്യത്തിലധിഷ്ഠിതമാണ് ; കാരണമായ ദൈവമല്ല ഉറവിടം (ദൈവനഗരം 12, 7).

ദൈവം തിന്മയുടെ കാരണമല്ല. ദൈവം തിന്മ അനുവദിക്കുന്നു എന്നേയുള്ളൂ. തിന്മയിൽ നിന്നുപോലും നന്മ ഉളവാക്കാൻ കഴിവുറ്റ സർവ്വശക്തനാണ് അവിടുന്ന് (Ench. 3,11).

 

ദൈവം ഒരിക്കലും തിന്മക്ക് കാരണമാവുന്നില്ല; കാരണം ദൈവം അനന്ത നന്മയാണ്. വി ആഗസ്തീനോസ് ഇപ്രകാരം പ്രസ്താവിക്കുന്നു : "തിന്മ എവിടെ നിന്നു വരുന്നുവെന്ന് ഞാൻ അന്വേഷിച്ചു; ഒരു ഉത്തരവും എനിക്കു കിട്ടിയില്ല...." ആഗസ്തീനോസിനു തൻറെ വേദനജനകമായ ദൈവാന്വേഷണത്തിന് ഉത്തരം ലഭിച്ചത്,അദ്ദേഹം ജീവിക്കുന്ന ദൈവത്തിലേക്ക് തിരിഞ്ഞപ്പോഴാണ്. "തിന്മയുടെ രഹസ്യം അനാവൃതമാകുന്നത് ഭക്തിയുടെ രഹസ്യത്തിന്റെ വെളിച്ചത്തിൽ മാത്രമാണ്.ദൈവം തിന്മ അനുവദിക്കുന്നു; കാരണം ദൈവം മനുഷ്യനെ സ്വാതന്ത്ര്യബോധമുള്ളവനായി (freewill) സൃഷ്ടിച്ചു; അതിനെ ബഹുമാനിക്കുകയും ചെയ്യുന്നു. നിഗൂഢാത്മകമായ തിന്മയിൽ നിന്നും പോലും എങ്ങനെ നന്മ പുറപ്പെടുവിക്കാനാകുമെന്ന് ദൈവമറിയുന്നു".
 
 
വി. ആഗസ്തീനോസ് പറയുന്നു : "സർവശക്തനായ ദൈവം..., അവിടുന്നു പരമ നന്മയായതിനാൽ,തിന്മയിൽ നിന്ന് പോലും നന്മ പുറപ്പെടുത്താൻ തക്കവിധം സർവശക്തനും നല്ലവനും അല്ലായിരുന്നെങ്കിൽ തന്റെ സൃഷ്ടികളിൽ എന്തെങ്കിലും തിന്മക്ക് സ്ഥാനം അനുവദിക്കില്ലായിരുന്നു".



[കടപ്പാട് :  1.  "ലത്തീൻ സഭാപിതാക്കന്മാർ"  (Author - ഫാ ജി ചേടിയത്), 2. കത്തോലിക്കാ സഭയുടെ മതബോധനഗ്രന്ഥം]

*ദൈവനഗരം - വി. ആഗസ്തീനോസിന്റെ വിഖ്യാത ഗ്രന്ഥം 



Article URL:







Quick Links

സൃഷ്ടിയും തിന്മയും - വി.ആഗസ്തീനോസ്

ദൈവം എന്തെങ്കിലും ആവശ്യം ഉണ്ടായിട്ടോ, നിർബന്ധിക്കപ്പെട്ടതിനാലോ  അല്ല സൃഷ്ടിച്ചത്, പിന്നെയോ, സൃഷ്ടിക്കാൻ അവിടുന്ന് തിരുമനസ്സായതിനാലത്രേ. കാരണം, അവിടുന്നു നന്മയായിരുന്നു;സൃഷ്ടവസ്തുക്കളും നല്ലവയാ... Continue reading


മറ്റുള്ളവരുടെ പാപങ്ങൾക്ക് നമ്മൾ ഉത്തരവാദികളാണോ?

"നിത്യനിയമത്തിന് എതിരായ വാക്കോ പ്രവർത്തിയോ ആഗ്രഹമോ ആണ് പാപം". (വി. ആഗസ്തീനോസ്) അല്ല, മറ്റൊരു വ്യക്തിയെ പാപത്തിനായി വഴിതെറ്റിക്കുകയോ പ്രലോഭിപ്പിക്കുകയോ മറ്റൊരു വ്യക്തിയുടെ പാപത്തിൽ സഹകരിക്കുകയോ മറ്... Continue reading


എന്താണു കൃപാവരം (Grace)?

യുവജന മതബോധന ഗ്രന്ഥം ചോദ്യോത്തരം ( YOUCAT - Q&A 338, 340,341) : കൃപാവരം എന്നതുകൊണ്ട് നാം അർത്ഥമാക്കുന്നത് ദൈവത്തിന്റെ സൗജന്യവും സ്നേഹപൂർണവുമായ ദാനമാണ്, അവിടത്തെ സഹായപ്രദമായ നന്മയാണ്, ദൈവ... Continue reading


തത്ത്വശാസ്ത്രം നേടിയ സത്യവും [the truth attained by philosophy] വെളിപാടിന്റെ സത്യവും [the truth of Revelation]:

ലോകത്തെ ആരാഞ്ഞ്‌ ഇത്രയുമറിയാന്‍ കഴിഞ്ഞെങ്കില്‍ ഇവരുടെയെല്ലാം ഉടയവനെ കണ്ടെത്താന്‍ വൈകുന്നത്‌ എന്തുകൊണ്ട്‌?   [ജ്‌ഞാനം 13 : 9] ദൈവത്തെക്കുറിച്ച്‌ അറ... Continue reading